Click on image to view Elie’s profile
*Mom sits on computer for 5 min*
- Posts same comment on FB 3 times
- Deletes all important files
- Sound disappears
- Screen goes blank
— Elie Fares (@eliefares) June 2, 2013
صحيح! ما معقول يا زلمي! من بعد ما تركت لبنان، بتذكر أول ما فتحت الماما أكاونت على فيسبوك، كتبتلي ماما حبيبي اشتقتلك انا بحبك كتير، ويا ريت عالحيط تبعي، كتبتا عندا عالحيط، وماانتبهتلا غير بعد شي شهر
ايام مقضايينا انا وصهري مع امي عم نحرتق باللابتوب تبعا لنشوف شو المشكل، واكتر من مرة الماما تقرر تنزل تشتري لابتوب جديد لأنو الصوت مش عم يشتغل، ونرجع نهديلا اعصابا آخر تكة. ماما شو عملتي بالصوت؟ ماما حبيبي انت كنت بعدك فص زغير لما كنت حرتق بالفيديو والتلفزيون، جايي هلق تعلمني وليه فص؟ ههههه والله ما بقدر غير اعترف اني فص وما بفهم شي والماما الها فضل كبير عليي بالالكترونيات والأجهزة، بعترفلك انك دماغ بهالاشياء. بس يا خيي ما بيخلا الأمر يصعب عليا شي او تخبيصة من هون او شي فيروس فات من ورا لعبة كازينو اونلاين او صفحة أبراج وطق حنك. طبعًا سكايب وواتساب رواية تانية.
Why the hell would Lebanese TV stations broadcast the graduation ceremony of the American University of Dubai?
— Elie Fares (@eliefares) May 12, 2013
مع احترامي لدبي المدينة يللي بعشقا وعايش فيا ومبسوط، والجامعة الأميركية فيا والقيّمين عليها والقنوات اللبنانية كلا، بس معليشي يعني، تخرجي من جامعة البلمند كان كتير مهم بالنسبة الي ولأهلي طبعًا بس ما بعتقد برجع بحضره لو سجلولي ياه أهلي على ڤيديو ولا بطالب ينقلوه على ولا محطة لبنانية. مين مهتم يا زلمي؟ معقول؟ أساسًا شو هالبياخة؟ ليش عم تعذبوا المشاهدين؟ شو هالدعاية الفاشلة؟ مين فاضيلكن؟ وليه مين سئلان اذا عفيف وبتول وكومار وفريدريك تخرجوا؟ ولك لو سجلولي ولادتي ما رح احضرا. انو تتحمسوا وتنقلوا تخرج ما إلو أي معنى؟ حتى صديق المتخرج مش فرقانه معه ومش مهتم! عيب يا زلمي! مسخرة! وعلى تلفزيون لبناني؟ اسمحولنا فيا
@NourRifai Pretty much. The more Beirut wants to become like Dubai, the less I like it.
— Elie Fares (@eliefares) September 25, 2013
شكرًا! يعني بترجاكن، ما بقى تقارنوا بيروت لدبي او لبنان للامارات، خيي ما في مجال للمقارنة، صرعتونا هالكم يوم عن دبي اكسبو ٢٠٢٠ وانو ليك وين دبي وليك وين بيروت، خيي بيروت ما بتتقارن بدبي، وكل شخص حكي على دبي انو يا لطيف ليش هلقد مبسوطين فيا بدكن تسمحولي كمان! اذا ما جيت على دبي بحياتك انا عازمك يا خيي، هيدي دعوة شخصية مني الكن تجوا وتشوفوا شو هي دبي وليش الناس بتعشق دبي، بيروت بتجنن وبعشقا طالما مش عم تقارنوها لدبي، متل ما إيلي ونور قالوا، بس تبلش المقارنة بتضعف الفكرة وبتبلش الغيرة العميا! بس بقى
Taleb Kabbara 