Lebanese Tweep: @Awada_Lama

Click on image to see Lama's profile Click on image to see Lama’s profile

الغريب بكل الموضوع انو اللبناني بيفهم بكل شي ومتابع كل شي عم بيصير بالعالم، بس بيضل مأخر أشواط ومراحل عن العالم بالتطور. خيي شعب متطوّر ثقافيًا يمكن، بس لا شك انه متأخّر على أرض وطنه. يا خيي عم يلهوه بأشياء سخيفة. هو بيقلّك عم يلهونا بطق الحنك ليبعدونا عن التطوّر. يا خيي اذا استوعبت هالطق الحنك ليش بعدك عم توقع بنفس الغلطة وترجع تلتهي؟ صحيح انك مثقّف بس عودك طري بترجع بتنخّ لطق الحنك. نزال خيي خدلك نفس أرجيلة ونفّخ عليها

وصوته رخيص، بينشرا، بيرتشي، بينضحك عليه. جوعان محروق سلافه عم يفتّش على لقمة العيش ببلد العيش فيه صار انجاز. شو هالايام يللي وصلنالا كانوا يسألونا كيفنا نقول عايشين، هلق صرنا اذا عشنا منسألك كيفك؟ اصعب شعور انك تسافر وتتغرب وتحس حالك ببلد غير بلدك أغلى. مش بالفلوس، بالقيمة، بالتقدير، بالأمان أقل شي. تتغرّب وتحس حالك أغلى؟ ما بعرف شعب أكتر من اللبنانية تغرّبوا وحسوا بالارتياح برا بلدن. عيب يا زلمي

شعارات رنّانة وتشوبر وتهوبر ولف ودوران لنرجع لنفس الاسطوانة. خلينا نعيش سوا. بس منفصلين خيي. نحن ٤ مليون شخص ما منشبه بعض بقى. صرت بتلاقي لبناني بيشبه كل الجنسيات اكتر من اخوه اللبناني. هيدي مش عولمة. هيدي حريّة التعبير. اذا انت “بيليبر” ما رح نوقف بوجك، ورح نعيش معك، بس منفصلين، لكل شخص زاويته، مش عم قول نقلبها مناطقية، لك حتى بالمتر المربع الواحد ما قادر تلاقي اتنين يتفقوا على شي سوا. صرت عم شوف لبنان ١٠٤٥٢ دويلة مربّعة. خليك مع جستن بيبر انت وانا عبالي فيروز كل واحد فينا حر خيي بس انت بطريق وانا بطريق منيح؟ لا موحدين ولا بلوط! منعيش سوا منفصلين وانتهينا

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s