القصاص أو العقاب ممكن تكون نتايجه عليك ايجابية ومفيدة

وإجا هاليوم إحكي عن الموضوع، من بعد حوالي 4 شهور من آخر مرة كتبت هالتويت.

القصة بلّشت معي لمّا أخدت موضوع الدايت بكل جدّية. طبعًا اليوم الدايت صار أسلوب حياة ومش قيد أو روتين مزعج.

بالمناسبة كل الناس بتعاني من موضوع الدايت وكل بداية أسبوع هو بداية الدايت لكن للأسف.

بالبداية كنت مقتنع إنّه الدايت قصاص، وإذا بدّي عن جد أوصل للوزن أو الشكل المثالي لازم قاصص حالي وإمنع حالي عن كتير أكل طيب.

حتّى إجا نهار واكتشفت إنّه هالقصاص إله نتايج مفيدة وإيجابية. إكتشفت إنّه إذا أكلت بيتزا وخبّصت بالبوظة لازم القصاص يكون بالطلعة عالدرج بدل الأصنصير ولمدّة اسبوع كامل. هلّق أكيد ساكن ببناية 34 طابق بس بيتي بالطابق الثاني فمش هالمشكل الكبير.

ومع الوقت صرت انتبه إنّه مش كل قصاص أو عقاب نتايجه سيئة، مع إنّي بعدني مقتنع إنّه الدايت بيقتل الحياة الاجتماعية لأنّه معظم الاجتماعيات فيا تخبيص بالأكل والشرب.

طبعًا قبل ما انهي موضوع الدايت، اليوم بعد 4 أشهر، نزلت حوالي 10 كيلو دهون بس.

انتقلت بعدين لمواضيع أهم، وأقوى، وصرت إسأل حالي كيف ممكن قاصص حالي وتكون النتيجة مفيدة ولصالحي دايمًا؟

اكتشفت إنّه بس عصّب، القصاص إنّه ما افتح تويتر، ولشخص متلي عايش بتويتر هيدا شي كتير مهم ومصيري، وطبعًا ما بتنتهي هون، إذا ما فتت على تويتر أكيد بعصّب يمكن أكتر، بس بنفس الوقت القصاص إنّي إقرا كتاب عن العصبية وكيفية إدارته والسيطرة عليه، القصاص بعده قصاص ومزعج، بس إفادته بالتثقف عن موضوع مفيد جدًا جدًا إلي.

وهكذا دواليك…

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s