تعليقًا على كليب الموز وزيزي م وحلقة هيدا حكي على الMTV.
بس توضيح لكلارا هوا انه مش نحن اللي صنعنا الفن المتدنّي المستوى، الجمهور المكبوت المقموع اللي عم يحضرنا غذّى هالفكرة براس شركات الانتاج.
ما في فكرة واطية بتمشي لو ما في سوق جوعان ومحتاج ومكبوت ومقموع ومضغوط ومحروم جنسيًا متواجد بالملايين عنا بالمنطقة.
والدليل انّه الفن اللبناني كل عمره راقي ومحترف وعلى معايير عالية قبل مجيء الفضائيات والانترنت، هون الكوارث، لمّا صار يشوفنا المشاهد العربي.
قبل الانترنت والفضائيات، كان المشاهد العربي يحط مصاري ليقطع تذكرة ويجي يتفرّج عالفن اللبناني الراقي، اليوم ببلاش قادر يوصل، والرخيص للرخيص.
مش بهالطريقة بتوعّونا، نحن جمهور فيروز ووديع الصافي وماجدة الرومي، روحوا وعّوا الشعب المحروم والجوعان والمكبوت يشوف كيف بدّه يطلع من مصيبته.
هيدي الحلقة مش لحتى تطلع عالتلفزيون، متل ما عادل كرم ما قبل ينعرض مقطع الموز عالتلفزيون ويبقى عالنت، اتركوا هالحلقة لجمهورها، مش لجمهور MTV.
Taleb Kabbara 