مين يعني طالب كبارة؟

صرلي فترة عم صارع عدّة أفكار وعلى عدّة محاور براسي واجا النهار اللي لازم اكتب عنها بطريقة شوي ساخرة كتير انتقادية.

مين يعني طالب كبارة؟

سؤال عم يدور براسي من يوم يللي حسيت حالي قادر اترك كل شي وبلّش عن جديد.

باختصار، الجواب الوحيد اللي أكيد منه هو اني بعرف كتير منيح مين مش أنا، بس ما بعرف ابدًا مين أنا.

أنا مش مشهور، مش كوميدي، مش كاتب، مش مهندس، مش اعلامي، مش استاذ، ولا طالب، يا خيي أنا مش شاعر.

بشي.

أنا ما بطلع عالتلفزيون، ولا الراديو، ولا بكتب بمجلة او صحيفة، وعم بكتب بهالمدونة بس منّي مدوّن ومنّا شغلتي أصلًا.

درست بأكتر من مجال واشتغلت بأكتر من شركة وعشت بأكتر من بلد بس مش متخصّص ومش خبير بشي.

مين يعني طالب كبارة؟

اصحابي المقربين سمّوني مستر تويتر، بس أنا مش مستر شي، اذا كتبت كم تويت جابت كم فولو وكم ريتويت مش يعني صرت رب التويتر. بتمنّى أكيد بس بعرف حالي انّي مش مستر تويتر.

تويتر محطة بحياتي، فترة وبتمرق، نزهة، مشوار، موضة، نقطة، نقطة ببحر، بحر الضياع اللي مش غميق، بشبر مي بغرق وما بعمري كنت سبّاح أصلًا.

مين يعني طالب كبارة؟

انا مش سياسي، مش طائفي، مش عنصري، مش حزبي، مش كافر، مش ارهابي، مش ملحد، مش طايق. انا مش طايق شي.

مش طايق شي ومش مغروم بحدا ومش ناسي حدا ومش ناكر جميل.

مين يعني طالب كبّارة؟

سألت صديقتي أنا مين؟ كيف بعرّف عن حالي اذا حدا سألني شو بعمل؟

الجواب كان انت طالب كبارة، قلتلا مين يعني طالب كبارة؟

ليش بدّك تحط حالك تحت مسمّى بيوصف مين انت او شو بتعمل؟

ليش لأ؟ ليش المشاهير عندهم مسمّى؟ عندهم خط واحد ماشيين عليه؟ عندهم هدف واحد؟ عندهم رسالة واحدة؟

ليش عم تقارن حالك للمشاهير أصلأ؟ انت مشهور؟

يا عمّي لأ، أنا مش مشهور.

طب ليش مقهور؟

قولك أنا مقهور؟ على شو؟ لأني مش مشهور؟

مين يعني طالب كبارة؟

Advertisements

One thought on “مين يعني طالب كبارة؟

  1. مين طالب كبارة
    مجرد حساب على تويتر ما بتكون عم تضيع وقتك اذا قرأت تغريداته
    مأكد في عندك أفكار أفضل من كثير عالم بس المشكلة بتكمن بمحلين:
    الأول:الأسلوب حتى توصل أفكارك للعالم
    الثاني:الجدية أو إعطاء الأهمية اللازمة للأفكار والإنتقادات يلي عم تطرحها
    لماذا كتبت التعليق
    يمكن كون عم حفز صاحب المدونة حتى يعود يفكر(يمكن بمنظار جديد) بهدف المدونة يلي دونها
    أغلب الظن عندي وقت فراغ وحبيت ما ضيعه عالفاضي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s